Riemels ut Middog von August Falkenau

  1. Dar ligt’n Dörp in Jeverland,
    Datt is den Lüden woll bekannt.
    In ollen Tieden wohnd‘ dar doch
    De stolte Junker van Middog.
  2. Wenn ji von Tettens na Berdum gaht,
    Jümmer likut up de Strat,
    Liggt bi de olle Junkerstä
    Uns lüttje Dörp an de Chaussee.
  3. De Kark steiht up een hohen Dik,
    Ehr schlanke Torm is hoch un lik,
    He kickt stolt över’t gröne Land,
    Wiethenn bitt an de Waterkant.
  4. Un bi de Kark, dar is de Kroog,
    Dar gifft ett Beer un Snaps genog.
    Marie un Menno sorgt upt Best‘
    För all ehr leben, weerten Gäst.
  5. Uns Müller, de backt goodet Broot,
    Datt wät de Lü in Norden ook goot.
    Ut Ost un West un Nord un Süd
    Hält se sin Twiback un sin Stüt.
  6. Uns stille Dörp de Heimat is
    Vom Wihnachtsmann, den hil’gen Christ.
    He hett kien Schimmel, wi ji glöwt,
    He ritt up’t Dreerad ganz vergnögt.
  7. Uns Fron’s un Deerns, de sünd moi‘
    Un stark de Pär un fett de Keu.
    Middog is nu ’ne feine Eck,
    Fröher leg datt Dorp in’n Dreck.
  8. Uns lütt Gemeen rikt an de Küst,
    Datt hebb ick fröher gar nich wüst.
    Von Harle föhrt man över’t Watt
    Un nimmt in Wangeroog een Bad.
  9. In Norden is de Bodden goot,
    Dar wohnt jo Lü von Knaken un Blot.
    Uns Jakob is’n starken Mann
    Un an sin Lida is ook watt dran.
  10. Willt ji in Norden up Reisen gahn,
    Dann is nich wiet de Isenbahn,
    Datt Damproß fleut vör jo’e Dör
    Un bringt jo henn un wedder her.
  11. De Bahnhof is’n Prachtgebö,
    Carolin’siel liggt in de Näh‘,
    Dar harn se geern den Bahnhof hatt,
    Doch datt befahlen, datt wer so watt.
  12. In’n Winter, wenn de Erd‘ is stief,
    Dann gaht in’t Feld de Kerls un Wief,
    De Kerls un Jungens, de smiet de Klot,
    De Käkelers beproot ett goot.
  13. Un is datt Smieten denn gelungen
    Un endelk denn de Sieg errungen,
    Dann geiht datt ganze Volk in’n Kroog,
    Denn stiefe Grocks gifft‘ dar genog.
  14. Ut is mien Sang un ut datt Leed,
    Wer riemen kann, de mak‘ een tweet,
    Lat uns getrost inne Tokunft sehn,
    Hoch lew‘ Middog, uns schön‘ Gemeen.

Dieser Beitrag wurde unter Geschichte veröffentlicht. Setze ein Lesezeichen auf den Permalink.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.